Një jetë me çekiçin dhe me ndërtimet - bashkëbisedim me 95 vjeçarin nga Rrajca, Vesel Bexhet Coka

Xha Vesel, ju urojmë 95-vjetorin e lindjes dhe jetë të gjatë. Jeni një nga të moshuarit e Rrajcës duam të dimë diçka më tepër për jetën tuaj? 

Unë jam nga lagjja e Cokajve, në kufi me lagjen e Cukut. Unë kam dy djem dhe një vajzë. Deri në këtë moshë kam punuar në fshat me atë pak tokë e pak blegtori që kishim. Aty rreth vitit 1938-1939, kur erdhi Italia me një grup shokësh nga Rrajca filluam punë në Tiranë me Shoqerine “Stasoli’’, në ndërtime. Kam punuar në ndërtimin e Pallatit të mbretit Zog dhe e mbaj mend si sot. Kemi ndërtuar 333 dhoma atje tek kodra si quhet tani ”Pallati i Brigadave”. Kam punuar me shoqërinë Italiane “SALCINO” që shtronte rrugët dhe ndërtonte ura e pallate. Atë ditë që erdhi Duçja me Viktor Emanuelin ne na rreshtuan dhe po prisnim të vinte makina. Na thoshin se duhet të bërtasim e thërrasim “Rroftë Duçja”, ”Rroftë Italia” e të duartrokasim. Ne kështu vepruam. Në këto çaste u dëgjua një krismë pistolete. Unë e pashë me sytë e mi atë djalin që qëlloi se isha shumë afër tij. Iu drodh dora dhe plumbat ranë poshtë në tokë. Nuk e mbajti dot mirë pistoletën, u plagosën nja dy-tre veta e u bë një rrëmujë e madhe. Arrestuan disa persona. Ne na pyetën si shoqëri që punonim dhe nuk dinim se çfarë të thoshim, se nuk e njihnim atë që qëlloi dhe pse qëlloi. Në vitin 1947 pasi mbarova detyrimin ushtarak u ktheva në fshat se isha i martuar. Jam dekoruar me medaljen e çlirimit dhe kam dëshmi e certifikata të ndryshme nga ushtria. Pas lirimit nga ushtria unë meqë isha usta, fillova dhe punoja në ndërtim..

Kur është ndërtuar vija e lumit që shërben edhe në ditët e sotme për vaditje dhe çfarë dini për ndërtimin e saj?

Në vitin 1845 është bërë vija e ujit. Për ndërtimin e vijës së lumit është ngritur fshati dhe në krye të punës ka vënë si përgjegjës Mahmut Bogdanin nga Guri i Koklit, në Policë. Ka qenë dhe Ramadan Bogdani. Tregojnë se si e lidhte litarin pas trupit për të punuar në vijë kur pjesa e vijës ishte në shkëmb. Mahmut Bogdani mblodhi miqtë nga Ohri dhe theri dy a tre qe. Hidhnin lekët në shami. Miqtë hidhnin florinjtë në shami për ndihmë. Bije ne mendime. Fshatarët e mi me cekanë, me qysqira, me sharra, paskan lindur të bëjnë të lumtur të tjerët, po jo vetën e tyre. Në maje të Qafe Thanës ndricon një reklamë me drita neon, ndersa makinat nuk pushojnë, zbresin nëpër ato kthesa të forta, dhe pushojnë tek uji tunelit. Nga një makinë zbrete një Rrajcar i kthyer nga kurbeti i largët dhe shikon fshatin e tij me kurreshtje… E meriton krahina e vendlindjes sime të bëhet një atraksion turistik, duket se thotë. Dhe këtë gjë jo vetëm e ndjejnë shumë banorë aty, por dhe shenjat janë se gradualisht po bëhet e tillë.

Vija e lumit

Text Selec

Vija e madhe  sic e quajne dhe rrajcaret,e ndertuar nga mjeshtra Rrajcare rreth viteve 1840 .Ne krye te saj ajo fillon me pjesen qe quhet  Vija e Peshkut  dhe ku vihet re qarte vjetersia dhe mjeshteria e ndetimit.

Ali Coka

Inagurimi i kesaj vije te lumit eshte bere me qindra deshe dhe bashke me gjakun e bagetive u perzie dhe gjaku i tokes ,prej kesaj zone rrjedh dhe legjenda e murimit sipas PROF.DHIMITER SHUTERIQIT ne librin'' Mledhes te folklorit'' faqe43 Kenget e Murimit .botim 1956..Ja pra qe ne Rrajce ekziston Legjenda e murimit

   Ndërsa sipas ndërtuesit te vjetër rrajcar Vesel Bexhet Coka  në intervistën që i kemi marrë thotë : Në vitin 1845 është bërë vija e Lumit( Vija e Madhe ). Për ndërtimin e vijës së lumit është ngritur fshati dhe në krye të punës ka vënë si përgjegjës Mahmut Bogdanin nga Guri i Koklit, në Policë. Ka qenë dhe Ramadan Bogdani. Tregojnë se si e lidhte litarin pas trupit për të punuar në vijë kur pjesa e vijës ishte në shkëmb. Mahmut Bogdani mblodhi miqtë nga Ohri dhe theri dy a tre qe. Hidhnin lekët në shami. Miqtë hidhnin florinjtë në shami për ndihmë.t Disable